незначителен | прид.

Мал по број, по количество и сл. Незначителна сума. Незначително малцинство. Незначителна загуба. Незначителен дел. Незначителен пораст.

незнајник | м.

Непознат човек, тој што во дадено друштво, средина не го познаваат.

незрел | прид.

Недоволно зрел, што уште треба да зрее. Незрело грозје. Крушите ги берат незрели.

неидентификуван | прид.

Што не е идентификуван. Неидентификуван летечки објект.

неизбежен | прид.

Што не може да се избегне, да се спречи; неминовен. Неизбежен судир. Неизбежен пораз. Неизбежна несреќа. Неизбежна смрт.

неизбришлив | прид.

Што не може да се избрише, да се заборави. Неизбришлива трага. Неизбришливи сеќавања.

неизброен | прид.

Што не може да се изброи; безброен. Неизбројни составни делови. Неизбројни честички.

неизбројлив | прид.

неизведлив | прид.

Што не може да се изведе, да се направи. Неизведлив план. Неизведлив проект.

неизвесен | прид.

Што не е познат, што не може да се предвиди, да се претпостави со сигурност. Неизвесен крај. Неизвесна судбина. Неизвесна иднина. Неизвесен резултат.