неискажан | прид.
Што не е искажан со зборови; неизречен. Неискажана мисла. Неискажани барања.
неискажлив | прид.
Што не може да се искаже, да се изрази со зборови. Неискажлива радост. Неискажливи чувства.
неискоренлив | прид.
Што не може да се искорени, да се уништи. Неискоренлив плевел. Неискоренлива болест. Неискоренлива омраза.
неискористен | прид.
Што не е искористен, што не е употребен. Неискористен кредит. Неискористени средства.
неискрен | прид.
Што не е искрен. Неискрен пријател. Неискрен однос. Неискрен одговор.
неискусен | прид.
Што не е искусен, што е без искуство, без опит; неопитен. Неискусен помошник.
неиспан | прид.
Што недоволно спал, ненаспан. Го разбудија неиспан.
неиспитан 1 | прид.
Што не е доживеан, за кој се нема личен опит. Неиспитан копнеж. Неиспитано чувство. Неиспитани доживувања.
неиспитан 2 | прид.
Што не е проучен, неистражен, непроверен. Неиспитан терен. Неиспитан материјал. Неиспитан мотор.
неисплатен | прид.
Што не е исплатен, што не е платен. Неисплатена сметка. Неисплатени долгови.
