немај-каде | прил.

Во составот: до немај-каде – премногу, преку секоја мера. Беа изгубени, исплашени до немај-каде. Се навреди до немај-каде. Беше лаком до немај-каде.

немање | ср.

нема.

немее | несв.

Не зборува ништо, молчи како нем. Немее со денови, со месеци сам. Во затворот сите немееја во страв и исчекување.

неменлив | прид.

Што не се менува, што е постојано ист. Неменлива состојба. Неменлив редослед.

немерлив | прид.

Што не може да се измери, бескраен, премногу голем. Немерлива далечина. Немерлива тага.

немец | м.

немечки | прид.

Што се однесува на немак.

немешање | ср.

Откажување од мешање, отсуство на мешање во нешто. Немешање во туѓи работи. Немешање во внатрешните работи на друга земја. Поради немешање со другото население говорот зачувал постари обележја.

немиенко | м.

Тој што не е миен; немиено, нечисто машко лице.

немиење | ср.

Отсуство на миење.