неопфатен 1 | прид.
Што не е опфатен од некоја акција, од некој пропис, мерка и сл. Неопфатен од пописот. Неопфатен од мобилизација. Неопфатен од преглед.
неопфатен 2 | прид.
Што не може да се опфати, неизмерен, бескраен. Неопфатно пространство. Неопфатна широчина.
неопходен | прид.
Без кој не се може, премногу потребен. Неопходни производи. Неопходен доказ. Неопходни мерки. Неопходни услови.
неорганизиран | прид.
Што нема организација, што е слабо, лошо организиран. Неорганизирана работа. Неорганизирана заштита. Неорганизиран живот.
неоргански | прид.
Што не е органски, што нема во себе живи организми, што е без живот. Неорганска природа.
неореализам | м.
Уметнички правец во сликарството од дваесеттите години на дваесеттиот век, кој бил против субјективниот експресионизам, а за реално прикажување на предметите.
неосетен | прид.
Што не се осетува, не се забележува. Неосетен допир. Неосетна промена.
неосетлив | прид.
Што не е осетлив; нечувствителен, бесчувствен.
неосквернет | прид.
Што не е осквернет; свет, невин. Неосквернета младост.
неослободен | прид.
Што не е слободен. Неослободени земји.
