непроменет 1 | прид.
Што не е променет, изменет, што не претрпел промена. Непроменета состојба.
непроменет 2 | прид.
Што не е променет, преоблечен во нова облека. Отиде в црква непроменет.
непроменлив | прид.
Што не може да се промени, да се измени. Непроменлива положба. Непроменливи граници.
непромислен | прид.
Што не е добро промислен, недоволно обмислен; избрзан. Непромислена постапка. Непромислено решение. Непромислен потег.
непрониклив | прид.
Во кој не може да се проникне, да се навлезе, што не може да се разоткрие. Непрониклива тајна. Непрониклива насмевка.
непрооден 1 | прид.
Што уште не почнал да оди, што уште не може да оди. Непроодено дете.
непрооден 2 | прид.
Низ кој не може да се оди, да се помине. Непроодна шума.
непрописен | прид.
Што не одговара, не е во согласност со прописите. Непрописна брзина. Непрописно растојание.
непропорционален | прид.
Што не е пропорционален; несразмерен. Непропорционална големина.
непропустлив | прид.
Што не пропушта вода, воздух, гас и др. Непропустлив слој. Непропустлив материјал.
