непросветен | прид.
Што не е просветен, или што е на ниско ниво на просвета, на образование. Непросветена средина.
непростен | прид.
Што не е простен, што не добил простување. Непростен грев.
непростлив | прид.
Што не може да биде простен. Непростлива грешка.
непроценлив | прид.
Што нема цена, бескрајно, неизмерно скап. Непроценливо богатство. Непроценливо културно наследство.
непроѕирен | прид.
Што не е проѕирен; непровиден. Непроѕирна ткаенина. Непроѕирна завеса.
непушач | м.
Тој што не пуши, што не е пушач.
непуштен | прид.
За добиток – што не е пуштен, истеран на пасење.
непце | ср.
Горниот сводест дел од усната празнина. Тврдо непце. Меко непце.
непчен | прид.
Што се однесува, што е во врска со непцето. Непчени гласови.
неработен 1 | прид.
Што не е обработен, што не се обработува. Неработено лозје. Неработено земјиште.
