неразвиен | прид.
Што е физички или умствено слабо развиен; ненапреднат, заостанат.
неразгазен | прид.
Што не е разгазен, што не е со газење доведен во употреба. Неразгазено патче. Неразгазени чевли.
неразговорлив | прид.
Што не сака многу да говори, да зборува; молчелив.
неразгорен | прид.
Што уште не е разгорен. Неразгорен оган. Неразгорен јаглен.
неразделен | прид.
Што не се разделува од некого, што е секогаш заедно со некого, многу близок. Неразделен другар. Неразделни пријатели.
неразделив | прид.
Што не може, не смее да се разделува. Неразделива целост. Неразделива составка.
нераздолжен | прид.
Што не е раздолжен, што останал задолжен со нешто. Нераздолжен ја напуштил работата.
неразјаснет | прид.
Што не е разјаснет, објаснет. Неразјаснет случај. Неразјаснети прашања.
неразработен | прид.
Што не е обработен, што не е подложен на разработка, на обработка. Неразработено прашање од историјата.
неразреден | прид.
Што не е разреден; густ, неразблажен. Неразредена боја. Неразредена киселина.
