неранлив | прид.

Што не може да биде ранет, повреден; што не покажува слабост. Никој не е неранлив.

нерасипан | прид.

Што не е расипан; здрав.

нераскинлив | прид.

Што не може да биде раскинат, што не може да се раскине. Нераскинлив договор. Нераскинлива врска.

нераскршен | прид.

Што не е раскршен, што е цел. Нераскршен леб.

нерасонет | прид.

Што уште не е расонет; сонлив. Уште нерасонет побара јадење.

нерасположба | ж.

нерасположен | прид.

Што не е добро расположен, што е во лошо расположение. Се чувствуваше уморен и нерасположен.

нерасположение | ср.

Отсуство на добро расположение; лошо расположение.

нераспореден | прид.

Што не добил определено место во служба, во војска и др.

нераспределен | прид.

Што не е поделен по некои мерила. Нераспределена храна.