неславен | прид.
Што не се прославил, ништо не постигнал, што дал лош резултат. Неславна битка. Неславен крај. Неславен резултат.
неслагање | ср.
Отсуство на спогодување, на сложување. Поради неслагањата работата не можеше да продолжи.
неслога | ж.
Немање слога; раздор, разногласје.
несложен 1 | прид.
Што не е сложен, што не е составен од повеќе делови, елементи; прост по состав. Несложена градба.
несложен 2 | прид.
Што не се одликува со слога. Несложни браќа. Несложен колектив.
несложување | ср.
несмасен | прид.
Што не внимава на својот изглед; неприбран, неуреден.
несмеќаван | прид.
Што не е смеќаван, што не е спречуван. Несмеќаван развиток.
несмел | прид.
Што не е смел; нерешителен, плашлив. Несмел човек. Несмел настап.
несмислен | прид.
бесмислен.
