несреќен | прид.

Што нема среќа, што е без среќа. Несреќен човек.

несреќник | м.

Тој што нема среќа, што постојано го следи несреќа; тој што се нашол во некаква несреќа.

нестасан | прид.

Што не стасал, не стигнал во растење, во зреење, во развој и сл. до определена мера. Нестасан за училиште. Нестасан за војска. Нестасани кајсии.

нестивнат | прид.

Што не е стивнат; Нестивнат оган. Нестивната болка. Нестивната врева.

нестрашлив | прид.

нестрижен | прид.

Што не е стрижен; Одеше по неколку месеци нестрижен и небричен. Нестрижена овца.

нестрплив | прид.

Што не може да се стрпи. Нестрплив човек.

несуден | прид.

Што не станал тоа што сакал, што се сметало дека ќе стане, што не остварил однос каков што се претпоставувало. Несуден избраник. Несудена љубов. Несуден наследник. Несуден доктор.

несуправен | прид.

Што не е суправен; несуреден. Куќата им беше несуправена, растурена.

несуреден | прид.

Што не е суреден; несуправен. Несуредена соба. Несуредена куќа.