несфатлив | прид.
Што не е сфатлив, што не може да се сфати, да се разбере; нејасен, нелогичен. Несфатливо барање. Несфатливо предавање. Несфатлива постапка. Несфатлива причина.
нетактичен | прид.
Што не е тактичен, што нема такт; невнимателен, безобѕирен. Нетактичен потег. Нетактична постапка.
нето | прид.
Тежина на стока без амбалажата.
нетокму | прил.
Не е токму; недоволно; не е колку што треба, како што треба. Што ви е нетокму – Господ ви дал сè.
нетолерантен | прид.
Што не е толерантен; нетрпелив, што не го уважува туѓото мислење. Нетолерантен соговорник. Нетолерантен однос.
нетоп | м.
Сребрен женски накит што се носи на челото.
нетоплив | прид.
Што не е топлив, што не се топи (на оган, во течност).
неточен 1 | прид.
Што не е точен, наточен, што не е наострен; тап. Неточен нож. Неточен молив.
неточен 2 | прид.
Што не е точен, што не одговара на вистината, што не соодветствува на тоа што го претставува. Неточен податок. Неточен превод. Неточна пресметка.
нетраен | прид.
Што не трае долго, што не се одржува подолго време во добра состојба, што брзо се расипува. Нетрајни производи.
