низина | ж.
Ниско рамно место во однос на теренот што го опкружува. Селото се наоѓа во една голема низина.
низински | прид.
Што се однесува на низина
низок | прид.
Што има мала височина, што не израснал високо или не е направен да биде висок. Низок човек. Ниско дрво. Ниска трева. Ниска куќа. Ниска ограда.
Нијагара | ж.
Водопади и река што ги поврзува езерата Ири и Онтарио, Северна Америка.
Нијамеј | м.
Главен град на Нигер.
нијанса | ж.
Постепен премин на една боја во друга. Нијанса на жолта боја. Зелени нијанси.
никаде | прил.
На ниедно, на никое место; во ниеден правец. Никаде го нема. Никаде нема излез. Никаде тоа не може да се најде. Никаде нема да оди. Никаде нема да летаат.
никаквец | м.
Лош, расипан човек; подлец.
никако | прил.
На никаков, на ниеден начин. Никако не се согласува. Никако не можат да се договорат. Никако не можам да ги стигнам.
никаков | зам. прид.
За засилено или полно негирање, одрекување на тоа што го означува именката со која оди. Нема никаква вина. Никакви пари не си ми дал. За тоа нема никакви вести.
