надбори | св.

Победи во борење. Во натпреварот со борење го надборил, а со вино го напоил.

надбрза | св.

Натпревари во брзање.

надваса | св.

надве | прил.

На два дела. Раздели надве. Расече надве.

надведе се | св.

Се наведе над нешто, се надвисне. Се надведе над бунарот да види колку е длабок. Се надведе над болниот.

надве-натри | прил.

Набрзина, на брза рака, како било. Го здипли надве-натри чаршафот. Се изми надве-натри колку да се расони. Се облече надве-натри и излезе.

надвечерје | ср.

Времето непосредно спроти некој настан, ден, празник и др. Во надвечерјето на војната. Во надвечерјето на востанието.

надвива | несв.

надвие | св.

Победи, совлада, надвладее. Секогаш помалиот, послабиот сакам да надвие. Внатрешното движење ги надви надворешните сили. Не можеше да го надвие чувството на разочарување. Копнежот го надви стравот.

надвие се | св.

Се наведне, се надвисне над некого, над нешто, се најде над нешто што е подолу, пониско; се надвисне. Птицата се надви над своето чедо. Се надви над сина си да го заштити. Дождовни облаци се надвија над ридот.