нададе | св.
Додаде, придаде, продолжи нешто. Го нададе малку фустанот. Го нададе јажето за да стигне.
надалеку | прил.
На голема далечина, многу далеку. Селата се надалеку едно од друго. Надалеку прочуен.
надарен | прид.
Што има дар, дарба; талентиран. Надарен раскажувач. Надарен актер. Надарен ученик.
надари | св.
Даде дарба, талент некому. Господ го надарил за сè. Природата го надарила со смисла за хумор.
надбие | св.
Победи во бој, во борба. И по три дена силни борби никој не можел да надбие.
надбискуп | м.
Прв бискуп во една католичка црковна провинција, поглавар на надбискупија.
надбискупија | ж.
Диецеза, епархија на надбискуп.
надбодина | св.
Наттрча во коњска трка, во бодинање.
надбори | св.
Победи во борење. Во натпреварот со борење го надборил, а со вино го напоил.
надбрза | св.
Натпревари во брзање.
