наесен | прил.
Во есен. Пазарот е многу богат наесен. Наесен по селата имаше многу свадби.
нажален | прид.
Натажен, обземен од жал. Жената се врати нажалена. Тешко му беше да го гледа нејзиното нажалено лице.
нажали | св.
Предизвика жал, натажи некого. Не ѝ кажа ништо за да не ја нажали уште повеќе.
нажапчи | св.
Затвори врата, порта со жапка, на жапка. Нажапчи врата и тргна низ туѓ и немил свет. Портата беше тешка и однатре заклучена и нажапчена.
нажеже | св.
Стави изложи нешто на висока температура, вжешти, усвити. Стави ја машата во огништето и почувај ја така да се нажеже. Нажежаното парче железо ја добиваше саканата форма под ритмичките удари на чеканот.
наживее се | св.
Проживее доволно долго.
наживне | св.
Живне во некоја мера, се накрене, закрепне. Наживна и почна само да јаде.
наживо | прил.
При живот, уште додека е жив. Наживо го исплакале. Си направил споменик наживо.
наживоти | прил.
При животот, додека е жив. Некои луѓе стануваат легенда наживоти.
нажили се | св.
За растение – пушти жили. За кусо време си најде пат во земјата, се нажили, подрасна.
