наметиште | ср.
Место каде што ветрот натрупува снег, каде што има намет.
наметка | ж.
Широка горна облека, без ракави, обично со качулка; пелерина.
наметлив | прид.
Што се наметнува, што се натрапува; натраплив. Никој не го сакаше неговото друштво, зашто беше неподносливо наметлив со својата зборливост.
наметливец | м.
Тој што се наметнува, што се наложува, наметлив човек.
наметне | св.
Стави, префрли нешто преку телото без да се облекува. Го наметна палтото и излезе. Наметна убав, шарен шал.
наметри | св.
Метри определено количество дрва. Наметри два кубика дрва. Ги наметрија исечените дрва.
намеша се | св.
Се замеша, се смеша во туѓ разговор, во туѓа расправија и др. Кој ви дава право да се намешате во мојот живот?
Намиб | м.
Пустина во југозападниот дел на Африка.
Намибија | ж.
Држава во Африка.
намиг | м.
Намигнување. Се насмевна со топол намиг.
