наназад | прил.
Кон назад. Колата тргна наназад. Погледна наназад.
нанапред | прил.
Од определено место натаму, напред (во правецот на движење, на гледање). Поместете ја колата малку нанапред.
нане | ср.
Градинарско растение со мирисни ливчиња, кое се користи како зачин и како чај, мента; Mentha piperita.
нанесе 1 | св.
Снесе (јајца) во поголемо количество.
нанесе 2 | св.
За вода, ветар – надонесе со себе, остави по себе нешто, направи нанос, намет. Реката нанесе многу песок по ливадите.
нани | несв.
За мало дете – спие; припев за успивање. Не гибај го сега, треба да нани. Нани ми, нанкај, нани. Нани, сине, нани, голем да пораснеш.
наниже | св.
Надене на конец, направи низа (од бисер, од тутун, пиперки и др.). Нанижа црвени пиперки за сушење.
наниз | м.
Тоа што е нанижано, низа од еднакви или слични нешта. За Делчев сплете наниз жални песни. Студен наниз од мразулци. Долг наниз од ропски векови.
наникне | св.
Никне во големо количество, никне на повеќе места.
нанишани | св.
Намести, насочи оружје (пушка, топ, стрела и др.) кон целта, земе на нишан. Ја крена пушката, нанишани, но не стигна да пукне.
