опскурант | м.
Тој што се противи на напредокот во науката и просветата, лице со застарени сфаќања за светот; мракобесник.
опскурантизам | м.
Негативен однос кон просветата и науката; мракобесие.
опскурен | прид.
Мрачен, темен; скриен, непознат, непристапен.
опслужи | св.
Задоволи потреби, барања, желби на купувач, на гостин, клиент и сл. Кога влегоа во продавницата, продавачот веднаш ги опслужи. Му беше потребно повеќе време за да ги опслужи сите гости.
опслужувач | м.
Тој што опслужува. Ти си им служел, си им бил опслужувач.
опснежен | прид.
Што е прекриен со снег. Едно утро осамна сè опснежено.
опснежи | св.
Прекрие со снег.
опстане | св.
Се одржи во живот. Без корен ништо не може да опстане. Го бараше патот и начинот како да опстане.
опстановка | ж.
Услови, околности во кои нешто суштествува. Кај него постои стремеж да ја опише поблиску опстановката во која стануваат случките. Во ваква опстановка не може да се работи.
опстанок | м.
Одржување во живот, постоење, живот. Воденичарството е една од најстарите производствени гранки сврзани со исхраната и опстанокот на човекот. Тој знаеше дека од него зависи опстанокот на овој театар.
