остари | св.

Стане стар. Тој остаре и не може повеќе да работи. Мачката остаре, ама не можам да ја избркам.

остаток | м.

Тоа што останува од некоја количина, преостанат дел од нешто. Остатоците од ручекот ги стави во фрижидерот. Остатоци од стара керамика. Остатокот од ноќта го преседе буден.

оствари | св.

Исполни замисла, план, реализира. Тој ја оствари својата цел. Остваривме добивка од годинешната реколта.

остварлив | прид.

Што може да се оствари. Планот е остварлив.

остен | м.

Стап со остар железен шилец на крајот за спотерување на запрежен рогат добиток. Викајќи, ги задупи биволите со остенот.

остине | св.

острач | м.

Лице, занаетчија што остри алатки и студено оружје наменети за сечење, режење, бодење и сл.; точач.

острвен | прид.

острви | св.

острелоуши се | св.

За животно – начули уши, внимателно се вслуша. Кучето се острелуши.