осцилација | ж.

(физ.) Периодично движење на двете страни, периодично менување на состојбата; треперење, нишање, клатење. Осцилација на гласните жици. Осцилација на магнетно поле.

осцилира | св. и несв.

Периодично, ритмично се движи, ја мени, менува состојбата; трепери, се ниша. Нишалото на часовникот рамномерно осцилира.

осцилограм | м.

Графички цртеж, добиен со осцилограф, на кој се гледа развојот и текот на треперењето.

осцилограф | м.

Инструмент за мерење на брзите промени на електричните величини, на осцилациите.

осцилоскоп | м.

Инструмент што ги покажува на екран електричните осцилации на наизменичната струја.

Отава | ж.

Главен град на Канада.

отаде | предл.

Со пространствено значење – положба од подалечната страна на предметот во однос на говорното лице, од таа страна. Темен се облак зададе отаде село. (нар.поез.).

отаде | прил.

Од другата, спротивната страна, откај спротивната страна. Отаде пак се чуја караници. Отаде се покажа стутканата фигура на старецот.

отаден | прил.

отаден | прид.

Кој е оттаму, тамошен. Топката ја зедоа отадните деца.