образложи | св.
Поткрепи со аргументи, факти, објасни нешто. Тој го образложи планот за работа. Овие идеи ги образложи во посебна глава од книгата.
образложлив | прид.
Што може да се образложи. Образложливо прашање.
образова | св. и несв.
Даде, дава некому образование, школува некого. Училиштето не само што ги образова, туку и ги воспитува учениците.
образован | прид.
Што има образование; учен. Образован човек. Образовани луѓе.
образование | ср.
Збир од знаења стекнати со учење, со школување; општо знаење, култура. Високо образование. Стручно образование. Солидно образование. Тој беше човек со широко образование.
образовен | прид.
Што се однесува на образование. Образовен процес. Образовни цели.
образува | св. и несв.
Создаде, создава, организира, формира група, здружение и сл. Образувавме здружение од хуманитарен карактер. Тројцата млади луѓе образуваа нова музичка група.
обраќање | ср.
Глаголска именка од се обраќа и 2.
обрани | св.
Подрани. Обранила девојката за на вода.
обраснат | прид.
Што е покриен со трева или со некакво друго растение. Обраснат со мов. Обраснат со трње. Обраснат со трева.
