пигментен | прид.
Што се однесува на пигмент, што содржи пигмент. Пигментна клетка. Пигментна материја.
пигментира | св. и несв.
Направи, прави боја со пигмент; обои, бои со пигмент.
пигмеј | м.
Човек со низок раст, кепец, џуџе.
пие | несв.
Голта течност (вода, млеко, сок, алкохолни пијалаци и др.). Планинарите пијат вода од изворите. Детето пие млеко. Гостите пиеја вино. Таа полека го пие кафето.
пиедестал | м.
Основа, подножје на статуа, споменик и сл.
пиеса | ж.
Кратко драмско дело наменето за сценска изведба, на радио и сл. Битова пиеса. Пиеса во три чина.
пиетет | м.
Длабока и вистинска почит, уважување. Тој со пиетет зборуваше за авторот на словенската азбука. Пиетет кон предците. Восхит и пиетет кон херојството.
пиење | ср.
(само едн.) Глаголска именка. Вода за пиење. Денот го започнал со пиење. Се оддаде на пиење.
пижама | ж.
Дводелна облека за спиење (блуза или кошула и широки панталони) од лесен и мек материјал. Облечен во пижама. Чисти пижами. Излитени пижами.
пижо | м.
Новороденче што не добило име.
