подизретчи | св.
Изретчи малку, само донекаде. Подизретчи го расадот, многу е густ.
подиктира | св.
Диктира текст малку, кратко време. Професорот подиктира, па застана и се замисли.
подисипе | св.
Исипе, излие малку, донекаде. Подисипа од чашата пред да му ја подаде на детето да се напие вода.
подиситни | св.
Иситни малку, донекаде. Подиситни го месото на помали парчиња пред да го ставиш во манџата.
подискара | св.
Искара малку, донекаде;
подискастри | св.
Искастри малку, во некоја мера. Попладнето тој ги подискастри гранките на трендафилот.
подискашла | св.
Искашла малку, со кашлање исфрли од дишните органи нешто во мала количина. Болниот како да подискашла крв, така ми се виде.
подискласи | св.
За жито ‒ искласи малку, донекаде. Житата подискласиле.
подископачи | св.
Ископачи шума, дрвја малку, донекаде. Подископачија малку од шумата, колку за едно нивче.
подискорне | св.
Искорне малку, во одредена мера. Подискорна малку од плевелот, ама се замори и седна да се одмори.
