покровец | м.

Парче текстил од козина за покривање крупен добиток. Тој го фрли покровецот врз коњот.

покровител | м.

Заштитник, закрилник, патрон. Тој е покровител на музички настани. Покровители на децата без родители.

покровителство | ср.

Заштита, закрила, поддршка; патрон, патронат. Без неговото покровителство ние нема да направевме ништо. Неколку покровителства дојдоа од моќни стопанственици. Овој собир е под покровителство на Министерството за култура.

покровителствува | несв.

Овозможува, дава покровителство; помага, поддржува, заштитува. Најбогатите фирми покровителствуваа во овој настан.

покровче | ср.

покрои | св.

Крои малку или уште малку време; крои.

покроце | прил.

Пополека, побавно, многу внимателно. Оди покроце.

покрпи | св.

Крпи малку или уште малку време;

покрстеник | м.

Тој што е покрстен, што од друга вера преминал во христијанската.

покрсти | св.

Изврши над лице од друга вера обред на примање на христијанска вера. Мисионерите ги покрстија овие племиња.