покрши | св.
Крши малку или уште малку повеќе.
покубе | св.
Кубе малку или кратко време.
покуда | ж.
Напад со зборови, прекор, приговор. Таа е за секаква покуда. Само покуди слушам од него.
покуди | св.
Куди, прекори, искара малку; Таа ги покуди децата. Наставникот ги покуди учениците.
покука | св.
За кукавица ‒ кука малку, кратко време.
покукурига | св.
Кукурига малку, кратко време.
покупка | ж.
Тоа што се купува, обично поситни потребни нешта. Во торбата имаше различни покупки. Оди по покупки, а се враќа со скапи чевли.
покуќешка | ж.
Жена што оди по куќи и води бесцелни разговори. Таа беше покуќешница, а и ќерките ѝ станаа покуќешки
покуќнина | ж.
Мебелот и сите предмети во една куќа. Стара покуќнина. Традиционална покуќнина. Модерна покуќнина. Селска покуќнина.
пол 1 | м.
Припадност на човек според определени физиолошки, психолошки, физички и телесни карактеристики ‒ машки и женски пол; мажјак и женка кај животни. Машки пол. Женски пол. Неопределен пол. Изедначување на половите. Кој пол е детето? Женка е животно од женски пол.
