полуматура | ж.
Завршен дел од основното образование.
полуматурант | м.
Ученик во завршната година од основното образование. Полматурантите славеа.
полумерка | ж.
Делумна, половична мерка. Тие применуваа некои измислени полумерки.
полумесечен | прид.
Што се однесува на време од половина месец. Полумесечен додаток. Полумесечна работа.
полумесечина | ж.
Делот од Месечината што се гледа кога не е полна, неполна месечина.
полумесечник | м.
Периодично списание што излегува на половина месец.
полумрак | м.
Нецелосен мрак, состојба на слаба видливост. Просторијата ја исполни полумрак. Во полумракот ја здогледа девојката.
полумрачен | прид.
Што е во полумрак. Полумрачна одаја. Полумрачен поглед. Полумрачни времиња.
полумртов | прид.
Што е близу до смртта, што дава знаци на живот. Го најдоа полумртов.
полунаводници | и.
Правописен знак од две запирки ('...') за одделување збор или израз во текст што е во наводници или за означување на толкувањето на значењето на даден збор.
