пораскрвави | св.
Раскрвави, разрани малку, во некоја мера. Падна и си го пораскрвави коленото.
пораскрие | св.
Открие малку, донекаде нешто скриено. Тој сакаше да им ја пораскрие тајната.
пораскрши | св.
Раскрши, искрши нешто малку, во некоја мера или уште малку. Го пораскрши лебот и седнаа да јадат. Пораскрши од гранките за да го потпалам огнот.
пораснат | прид.
Што е висок по раст, што е издолжен. Летото тој му се виде многу пораснат, извишен.
порасне | св.
Стане голем, висок по раст. Тој порасна, извиши и стана голем колку една топола.
порасони се | св.
Се расони малку, донекаде или уште малку. Откако се порасони, фати да се облекува.
пораспади | св.
Распади многумина, сите (до еден). Таа ги пораспади децата од дворот.
пораспали | св.
Распали, разгори нешто малку, во некој степен. Тој го пораспали огнот во печката.
пораспара | св.
Распара, рашие малку или уште малку нешто што е сошиено или сплетено. Ракавот му се пораспара под пазувите.
пораспетла | св.
Распетла некого или нешто малку, донекаде. Тој си го пораспетла палтото и седна.
