посипалка | ж.
посипе | св.
Со сипење прекрие некаква површина со нешто што се сипе (шеќер, брашно, песок и сл.). Кифличките ги посипа со шеќер. Патеката ја посипа со ситен чакал. Дворот беше посипан со ситен дробен камен.
поскапи | св.
Зголеми цена на нешто, направи да биде поскапо. Зголемените даноци ги поскапија земјоделските производи.
поскара | св.
Скара, укори малку некого. Таа ги поскара децата.
поскита | св.
Помине во скитање некое време. Доста поскитав дури ја најдов адресата.
поскија се | св.
Се скија малку, кратко време. Да се поскијам уште малку или да прошетаме.
поскок 1 | м.
Мал скок во висина. Трчање со поскок
поскок 2 | м.
Вид отровна змија; Vipera ammodytes. Патем сретнував змии и гуштери, поскоци и дождовници.
поскока | св.
Скока малку, кратко време. Поиграа, поскокаа и се изморија.
поскокотка | св.
Скокотка малку, по малку, некое време.
