партикула | ж.

партикуларен | прид.

Што се однесува само на еден дел; делумен.

партикуларизам | м.

Стремеж на потесни заедници или области на државата за одвојување од целината без оглед на општодржавните интереси.

партикуларист | м.

Приврзаник на партикуларизмот.

партикуларистички | прид.

Што се однесува и што припаѓа на партикуларизам и на партикуларист.

партитура | ж.

Печатен примерок на сите партии од повеќегласна музичка творба.

партитурен | прид.

Што се однесува, што припаѓа на партитура.

партицип | м.

Форма на глаголот што го означува глаголското дејство во сложени глаголски форми (беше дојден, има завршено) или се употребува во атрибутска служба како придавка (завршена работа, искината облека); глаголска придавка.

партиципант | м.

Тој што партиципира, соучесник;

партиципација | ж.

Учество со свој дел во работа, плаќање и сл.; соучество. Финансиска партципација. Партиципација во вршењето на општествени функции.