поткуќница | и.
Земјиште (обично оградено) под куќата, крај куќата.
потоа | прил.
За време – по некое време, потем. Веднаш потоа, го чу нејзиниот глас. Потоа, со денови, го преживуваше тоа што си го сонил.
поток | м.
Воден тек помал и покус од река. Пред нив еден мал поток се влеваше во поголема река. Планински поток.
потокми | св.
Токми, подготви во некоја мера. Тие го потокмија да оди кај неа.
потолче | св.
потолчи | св.
Толчи малку, кратко време. Таа потолчи малку кафе во аванот.
потомок | м.
Тој што припаѓа по потекло, по раѓање кон своите родители, кон некој род. Тој е најстариот директен потомок од таа фамилија.
потомори | св.
Скрие, потајно присвои.
потомство | ср.
Ново поколение во однос на она од кое води потекло, во однос на предците. Сепак не го оставаше верата дека потомството правилно ќе ги сфати неговиот живот и дело.
потон 1 | м.
Визба, подрум. Тој мечтаеше да направи куќа со потон, на кат и со чардак.
