падобран | м.

Направа за безбедно скокање или спуштање од авион на земјата, што автоматски се отвора и се шири во воздухот во вид на платнена купола. Скокаше од падобран со раширени раце. Во воздухот летаа разнобојни падобрани.

падобранец | м.

Тој што се спушта со падобран; војник што се спушта со падобран заради напад во непријателската заднина. Скок на падобранец. Германците пуштија падобранци.

падобранство | ср.

Скокање со падобран од авион во лет.

Падова | ж.

Град во Италија.

пае | несв.

Суши, проветрува рибарска мрежа.

паежина | и.

паек | м.

паж | м.

Млад дворјанин во служба при дворот.

пазамарка | ж.

пазар | м.

Отворен или покриен простор каде што се продаваат разни, главно земјоделски производи; пазариште. Отишол селанецот на пазар во градот. Беше доцна и пазарот веќе се празнеше.