пасивизација | ж.

Повлекување од јавна активност, намерно повлекување од дејствување.

пасивизира | св. и несв.

Доведе, доведува некого или нешто во пасивна состојба. Оценката по поведението ги пасивизира учениците.

пасинок | м.

Заварен, затечен син во однос на маќеата или доведен, донесен син во однос на очувот.

пасиониран | прид.

Што има пасија, страстен. Пасиониран собирач на антиквитети.

пасира | несв.

(кул.) Гмечи, под притисок ситни нешто (овошје, зеленчук, месо и сл.) и прави хомогена смеса. Пасира компир.

пасиште | ср.

Место обраснато со трева или со некаква друга растителност каде што пасе добитокот. Раззеленето пасиште. Каменито пасиште. Сочни планински пасишта. Пасишта со стада овци.

пасија | ж.

Силна љубов за нешто, склоност кон нешто, страст. Тој имаше вистинска пасија за препарирање инсекти.

пасијанс | м.

Игра со карти за еден играч што се состои во редење и разместување на картите по утврдени правила.

пасквил | м.

пасквила | ж.

Текст со навредлива, клеветничка, подбивна содржина.