превее | св.
Извее одново, повторно. Го превеаја житото да не остане ни зрно плевел.
превежба | св.
Извежба повторно, уште еднаш. Да го превежбаме последниот дел од претставата.
превез | м.
вел_1 Невестински превез. Бел превез.
превезе 1 | св.
Извезе повторно, уште еднаш. Ја превеза целата шара на чаршафот.
превезе 2 | св.
Пренесе некого или нешто од едно место на друго со помош на превозно средство; транспортира. Ги превезе децата преку реката со кајче. Ги превезоа доматите до фабриката со камион.
превезок | м.
Дел од носија во вид на украс од свила што се носи на главата, а ресите му паѓаат на челото.
превели | св.
превене | св.
Придреме, прилегне. Превенал малку додека ги чекал да дојдат.
превентива | ж.
Збир од мерки што се преземаат заради заштита од некаква опасност (болест, кражба, природна несреќа и сл.). Превентива од заразни болести. Превентива од поплави.
превентивен | прид.
Што овозможува превентива, што служи за превентива од нешто. Превентивна заштита. Превентивни мерки.
