превенција | ж.

Претходна, навремена заштита за спречување на нешто лошо, непожелно (болест, кривично дело и сл.), преземање на мерки за заштита од нешто. Превенција од болест. Превенција од прекумерно сончање.

превери | св.

Натера некого да промени вера. Никој не може да ме превери.

превесла | св.

Измами некого, добие нешто од некого на многу нечесен начин. Го превесла за договорот.

превечера | св.

Вечера повторно, пак. Тој си превечера иако скоро беше вечерал.

превива | несв.

превивка | ж.

Нешто што служи за превивање, за завиткување; завој, завивка. Се загледа во туѓинецот со превивка преку окото.

превид | м.

Тоа што ќе се превиди, што нема да се забележи; пропуст, несогледување. Во извештајот има неколку превиди.

превиди | св.

За мака, за страв ‒ доживее, претрпи, поднесе. Многу маки превидов во животот.

превие | св.

Повие, преповие, смени пелени. Мајката го преви бебето пред спиење.

превира | св.