патеник | м.
Паталец.
патент | м.
а) Официјален документ, потврда за правото на користење или продавање на определен изум, пронајдок. б) Изум или процес заштитен со ваков документ.
патентен | прид.
Што се однесува на патент. Патентен пронајдок. Патентно право.
патентира | св. и несв.
Заштити, заштитува, потврди, потврдува право или сопственост на патент. Работникот го патентира техничкиот пронајдок.
патерица | ж.
Ортопедско помагало за поткрепување при движењето на инвалидите, со потпирач што се става под мишка. Дрвена патерица. По сообраќајната несреќа, тој оди со патерици.
патернализам | м.
Наметлива, претерана, непотребна грижа кон другите, душогрижнички однос.
патерналист | м.
Тој што се грижи наметливо, претерано; душогрижник.
патерналистички | прид.
Што се однесува на патернализам и на патерналист. Патерналистичка етика. Патерналистички однос кон жената.
патетика | ж.
Состојба на занес, претерано воодушевување, восхитеност. Стихови со директна патетика.
патетичен | прид.
Што е исполнет со патос, занесен, претерано возбуден, свечен. Патетичен глас. Патетичен завет. Патетичен говор.
