прекали | св.
Искали премногу, повеќе отколку што треба, во поголема мерка. Ја прекалил мотиката.
прекапе 1 | св.
Престане да капе. Дождот запре, стреите прекапаа.
прекапе 2 | св.
Дојде во состојба на капнатост, немоќ поради замор, студ и сл. Жената прекапа од работа. Аргатите прекапаа копајќи цел ден. Тие прекапаа од студ дури стигнаа до колибата.
прекапне | св.
прекар | м.
Име што се добива покрај крстеното име според некоја особина, потеклото, занаетот итн. на личноста на која се однесува. Во нашето маало сите имаат прекари. Кој е твојот прекар?
прекарба | ж.
Прекор, укор. Ми се смачи од твоите прекарби.
прекардаши | св.
Претера, надмине мера. Тој прекардаши со шегата.
прекарува 1 | несв.
прекарува 2 | несв.
Нарекува некого со/по прекар.
прекаса | св.
Касне силно, прегризе. Му ја прекаса раката.
