премолериса | св.
Молериса повторно, поинаку. Ги премолериса ѕидовите.
премоли | св.
Долго моли, преколнува. Цел ден ја моли, ја моли, ја премоли.
премолчен | прид.
Што не е спомнат, што не е кажан. Премолчен факт. Премолчена вистина.
премолчи | св.
Одбегне да каже нешто, се воздржи. Ги премолчи љубовните маки.
премор | ж.
Силен умор, замор, исцрпеност. Деновите и завршуваа со премор и изгладнетост. На работа заспа од премора
преморен | прид.
Што е многу уморен, исцрпен. Преморени работници.
премори | св.
Силно, претерано умори некого. Ги премори децата со работата.
премости | св.
Изгради мост преку нешто. Ја премостија реката.
премостлив | прид.
Што може да се надмине, совлада. Премостливи проблеми.
премота | св.
Одново намота. Го премота клопчето.
