препорачлив | прид.
Што може да се препорача, што заслужува препорака. Не се препорачливи летните пладневни прошетки.
препостеле | св.
Постеле одново, поинаку или со нешто друго. Препостели го креветот.
препотентен | прид.
Што се смета себеси за посилен, за надмоќен.
препотенција | ж.
Поголема сила, поголема власт, надмоќност.
преправи | св.
Направи нешто поинаку, на друг начин, преработи. Го преправи стариот фустан. Го преправи покривот на куќата.
преправка | ж.
Преработка, промена. Треба да има преправки на училишната зграда.
препразни | св.
Претури од едно во друго. Ги препразни бочвите.
препрати | св.
Испрати некого или нешто понатаму, на друго место. Кога ќе дојде, препрати го кај мене.
препраша | св.
Праша одново, повтори прашање. Се врати и го препраша за лекот.
препреден | прид.
Лукав, итар, склон на измама, на нечесност.
