претрга | св.
Искуси, преживее големи маки, тешкотии и сл.; препати. Женава многу претргала во животот. Се исповеда за страдањата што ги претргал. Претргал многу за правда.
претрес | м.
Проверка на лица и предмети во потрага по нешто украдено или илегално. Изврши претрес на осомничените. Со претресот ги најдоа украдените пари. Личен претрес.
претресе | св.
Изврши претрес на некого или на нешто; пребара. Ги претресоа автомобилите.
претрие | св.
Пресече со триење (со пила, со еге и сл.). Го претрила катанецот.
претрпи | св.
Препати, претрга, преживее болка, тага, повреда итн. Претрпи мозочен удар. Претрпи многу маки. Претрпи срам. Претрпи измени.
претрпне | св.
За болка – престане да боли. Ми претрпна забот.
претрупа | св.
Натрупа нешто во големо количество, повеќе одошто треба. Ја претрупал собата со излишни предмети. Ги претрупа работниците со работа.
претрупи | св.
Пресече на трупци. Ги претрупи стеблата.
претрча | св.
Помине определено растојание со трчање. Претрча двесте метри за триесет секунди.
претседава | несв.
Води седница, состанок и сл. Претседава на седницата. Кој претседава на состанокот?
