пау! | изв.

За подражавање на звук од истрел на огнено оружје или експлозија. Пау, пау, исплашено викаа малите деца.

пауза | ж.

Одмор, починка. Ќе чукнеше еднаш камбаната и по пауза уште еднаш. По долга пауза ѕвончето пак заѕвони. Тој направи мала пауза за да го потенцира она што следуваше. Пауза на вработените.

паузира | св. и несв.

Направи, прави пауза; се одмори, се одмора. Лекарите паузираа долго.

паун | м.

Крупна птица со прекрасни шарени перје и долга опашка кај мажјакот што ја шири во форма на лепеза; Pavo cristatus

паунов | прид.

Што се однесува, што му припаѓа на паун. Паунов пердув.

паунски | прид.

паупер | м.

Осиромашен човек, сиромав.

пауперизам | м.

Состојба на крајна сиромаштија, општа осиромашеност на народот.

пауперизација | ж.

Масовно и долготрајно осиромашување на населението, особено на некои негови слоеви, на селанството, работништвото.

пауперизира | св. и несв.

Направи, прави некого сиромав; осиромаши, осиромашува.