припреде | св.

Со предење додаде кон преденото, испреде уште малку. Девојките ќе припредат од сурата волна.

припрета | св.

Одеднаш почне да прета. Припрета кокошката пред куќата.

припржи | св.

Испржи уште малку кон веќе испрженото. Припржи некое луто пиперче.

припрост | прид.

Простодушен, едноставен, природен; Неука и припроста жена. Наивни и припрости луѓе.

припука | несв.

Одеднаш почне да пука. Од честакот над селото припукаа митралезите. Некаде од подножјето припукаа ловџиите.

припуши ми | св.

Почувствува одеднаш желба за пушење.

припушта | несв.

припушти | св.

Дозволи некому движење, да дојде, да влезе (обично во негација). Војникот го припушти непознатиот само неколку чекори. Тој ништо живо не припушти да стапне на имотот.

приработува | несв.

Подработува, работи кратко време или повремено. Тој понекогаш приработува и во градината.

прирамни | несв.

Израмни, зарамни, направи да биде рамно, дотера нешто со рамнење. Колскиот пат го прирамнија селаните со доброволна работа.