проведе | св.
Помине некого или нешто преку некое место. Тој го проведе детето преку мостот и му ја покажа куќата.
проведри | св.
Направи времето да стане поведро, небото да стане појасно, но не сосема. Ветрот го проведри времето.
провее | св.
Прочисти овршено жито од класјето со помош на ветрот.
провениенција | ж.
Потекло; извор од каде што нешто потекнува. Ракопис од македонска провиниенција.
провенча | св.
Венча некого набрзина. Свештеникот ги провенча младите и сите излегоа надвор.
провери | св.
Со испитување ја утврди точноста, вистинитоста, вредноста на нешто. Ги провери уште еднаш чековите пред да ја затвори сметката. Провери ја информацијата. Тој неколкупати проверуваше на картата.
проверка | ж.
Постапка на испитување на точноста, вистинитоста, вредноста на нешто; контрола. Последна проверка. Проверка на ефикасноста. Проверката покажа дека арматурата била неисправна.
проверлив | прид.
Што може да се провери. Проверлив податок.
проверувач | м.
Тој што проверува.
провесели се | св.
Помине некое време во веселење со песна и игра. Да завршиме најпрвин, а потоа ќе се провеселиме. Имаа повод, па се провеселија.
