педалинка | ж.

Чамец за рекреација што се движи со педали.

педант | м.

Тој што е беспрекорно чист, уреден.

педантен | прид.

Беспрекорно чист, уреден. Педантно дете.

педантерија | ж.

Педантност, претерана формалност; ситничарство.

педантизам | м.

педер | м.

(разг., грубо) Тој што се предава на педерастија; хомосексуалец; педераст.

педераст | м.

Тој што се предава на педерастија; хомосексуалец.

педерастија | ж.

Полови односи меѓу машки лица; хомосексуалност.

педесет | бр.

Основен број петпати поголем од десет; се бележи со бројката 50. Двесте и педесет. Педесет и пет. Педесет и трети. Педесет и деветгодишен.

педесет- | претс.

Како прв дел од сложени придавки и именки кој покажува дека од тоа што го означува основата во другиот дел од сложенката има педесет: педесетгодишен, педесетгодишник, педесетгодишнина.