прокашка | св.
Извалка нешто во мала мера. Ручајќи ја прокашка блузата.
прокашла | св.
Почне да кашла; искашла. Прокашла крв. Прокашла уште есента и цела зима не му престана кашлицата.
проквичи | св.
Почне да квичи. Од ударот кучето проквичи.
прокикоти се | св.
Почне да се кикоти. Девојчињата не издржаа, се прокикотија.
прокине | св.
Направи дупка со кинење; пробие. Ги прокинал чорапите кај палецот.
прокисне | св.
Се наводени од дожд; пропушти вода. Пресоблечи се, ти прокиснала облеката. Таванот прокиснал.
прокламација | ж.
Свечено јавно известување за нешто што има општо значење; објава, проглас. Поетска прокламација. Прокламација за независност.
прокламира | св. и несв.
Извести, известува, објави, објавува со прокламација. Ја прокламираа новата програма на организацијата.
проклет | прид.
Што предизвикува омраза; одвратен. Проклета болница. Проклето место. Проклети војни.
проклетие | ср.
