пумпа 1 | ж.
Машина или механичка направа за црпење или движење на течност, гас и сл. Пумпа за велосипед. Пумпа за вода. Пумпа за масло. Бензинска пумпа.
пумпа 2 | несв.
Црпе течност со пумпа. Пумпа вода од бунарот.
пумпарици | и.
Широки, под колената стегнати панталони, слични на шалвари.
пумпен | прид.
Што се однесува на пумпа.
Пун | м.
Име со кое Старите Римјани ги нарекувале Картагинците.
пункт | м.
Важна точка, место, момент во некоја сфера на дејност, на дејствување што означува некаков пресврт. Пункт околу кој може да се отфрлат сите делби и недоразбирања. Тоа е важен пункт во животот на славниот писател.
пунктира | несв.
Испишува линија со точки или со цртички.
пунктуација | ж.
Систем од правила за употребата на интерпункциските знаци.
пункција | ж.
Убод во телесна шуплина или орган со шуплива игла заради извлекување материјал за утврдување на патолошки промени или испуштање на собрана течност.
пунч | м.
Топол алкохолен напиток подготвен од пет состојки (обично: рум, вино, чај, сок од лимон, шеќер).
