пулсира | несв.
За срце ‒ бие, тупка. Под брадичето пулсираше нејзиното срце.
пулт | м.
Тесна, висока масичка со косо поставена горна површина, наменета за читање, пишување, за ноти при диригирање и сл. Диригентски пулт.
пума | ж.
Ѕвер од родот на мачките со светлосиво крзно кој живее во Северна и Јужна Америка, планински лав; Profelis concolor.
пумпа 1 | ж.
Машина или механичка направа за црпење или движење на течност, гас и сл. Пумпа за велосипед. Пумпа за вода. Пумпа за масло. Бензинска пумпа.
пумпа 2 | несв.
Црпе течност со пумпа. Пумпа вода од бунарот.
пумпарици | и.
Широки, под колената стегнати панталони, слични на шалвари.
пумпен | прид.
Што се однесува на пумпа.
Пун | м.
Име со кое Старите Римјани ги нарекувале Картагинците.
пункт | м.
Важна точка, место, момент во некоја сфера на дејност, на дејствување што означува некаков пресврт. Пункт околу кој може да се отфрлат сите делби и недоразбирања. Тоа е важен пункт во животот на славниот писател.
пунктира | несв.
Испишува линија со точки или со цртички.
