перифрастичен | прид.
Што се однесува на перифраза Перифрастичен говор.
перка | ж.
Орган за пливање кај рибите и други водни животни. Рибина перка. Слатководна риба со црвени перки. Раширени перки.
перкија | ж.
Вид риба со остра перка што живее во Дојранското Езеро; костреш.
перкусионист | м.
Музичар, репродуктивен уметник, специјалист на удиралки.
перкусија | ж.
<MEDICINE> Начин на лекарски преглед со чукање (со чеканче, со прст од раката) за да се утврди состојбата на внатрешните органи (срцето, стомакот).
перла | ж.
Бисер.
перлит | м.
Градежен материјал за изолација.
перлон | м.
Синтетичко влакно за производи од текстилната индустрија.
перлонски | прид.
Што е произведен од перлон. Перлонски чорапи.
перманентен | прид.
Постојан, непрекинат. Перманентен процес. Перманентна културна размена. Перманентно образование.
