перфорација | ж.
Пробивање, правење дупчиња.
перфорира | св. и несв.
Направи, прави дупчиња на нешто.
перформанса | ж.
(умет.) Визуелно уметничко дело во кое доаѓа до израз активноста на уметникот.
перце | ср.
Дем. од перо.
перцептивен | прид.
Што се однесува на перцепција, што прима надворешни впечатоци. Перцептивна оригиналност. Вкрстените перцептивни патишта.
перцепција | ж.
Непосредно воспримање впечатоци од стварноста. Првична перцепција. Моќ на перцепција.
перципира | св. и несв.
Забележи, забележува, восприми, восприма, сфати, сфаќа.
перче | ср.
Снопче коса изделена од другата коса; кичер; прамен. Русо перче врз челото. Перче побелена коса.
перчи се | несв.
Се прави важен, покажува надменост, се вообразува. Тој се перчеше пред другарите со своето образование. Жената гласно се фали и видливо се перчи. Војниците се перчеа со смелост.
перчин | м.
(арх.) Плетенка од врвот на темето кај маж.
