расформира | св. и несв.

Растури, растура, направи, прави да престане постоење на нешто како организирана целина; Тој ја расформира групата. Новата управа го расформира Одделот за инвестиции.

расфрла | несв.

расфрлен | прид.

Фрлен, растурен на сите страни, несреден. Расфрлена облека. Расфрлени книги. Расфрлен кревет.

расфрли | св.

Фрли на разни страни. Таа ги расфрли книгите на масата. Таа ја расфрли својата облека низ собата.

расфрчи се | св.

Почне силно да фрчи, на сите страни. Коњите се расфрчија. Куршумите се расфрчија во воздухот.

расфучи се | св.

Почне силно да фучи. Ветрот се расфучи.

расход | м.

Парични давачки на правно или на физичко лице или други средства потрошени за различни движни и недвижни добра во определен период, трошок, издаток; Заеднички расход. Вкупни расходи. Нејзин расход. Расходи за комуналии.

расходен | прид.

Што се однесува на расход. Расходна сметка. Расходно салдо.

расходник | м.

Во книговодство ‒ книга во која се внесени податоци за расходите, расходна книга. Расходниците се наредени по години. Сите податоци за потрошените средства се внесени во расходникот.

расходува | св. и несв.

Потроши, потрошува. Ние годишно расходуваме малку средства за патни трошоци. Минатата година тие расходуваа многу средства за канцелариски материјали.