ревер | м.
Дел од горна облека, крајниот дел од јака, крагна. На реверот имаше црвен цвет. На реверот од фустанот имаше убав брош.
реверзибилен | прид.
Што може да се врати, повратен. Реверзибилна комуникација. Реверзибилна реакција.
реверс | м.
Признаница, документ што претставува потврда за позајмени или за земени работи што треба да се вратат. Документите ги зедов на реверс. Оружјето му го дале без реверс.
ревидира | св. и несв.
Подложи, подложува, предложи, предлага нешто на ревизија, на преиспитување; преиспита, преиспитува нешто; изврши, врши ревизија. Тој ги ревидира сопствените ставови под влијание на професорот. Комисијата го ревидираше Законот за високо образование.
ревизија | ж.
Проверка, преглед на дејноста на некоја установа или лице. За еден месец се изврши целосна ревизија на претпријатието. Ревизија на сметководствените книги.
ревизионизам | м.
Правец што се застапува за ревизија, за ревидирање на марксистичкото учење и за реформа во некои негови делови.
ревизионист | м.
Приврзаник на ревизионизам Ревизионистите се сомневаа во нужноста од социјалистичка револуција.
ревизор | м.
Службено лице што врши преглед, контрола на некаква дејност, тој што врши ревизија.
ревија | ж.
Списание што излегува на определен период (неделно, месечно) со книжевна, научна, културна и друг вид содржина. Ревија за млади. Ревија за автомобили. Ревија за безбедност.
ревијален | прид.
Што се однесува на ревија. Ревијален печат. Ревијална патека. Ревијална претстава.